CEBU, Philippines – Usa ka 38anyos nga lalaking gituohang adunay diperensya sa pangisip ang namatay human nalatayan og trailer truck diha sa Arellano Street, Barangay San Roque sa Dakbayan sa Sugbo Lunes sa hapon. Ang nakalas mao si Judito Horequezo, taga Looc Mandaue City. Samtang ang driver nga nakaligis kaniya mao si Jimmy Geraldiso, 41, taga Barangay Tejero sa dakbayan sa Sugbo.
Ang trak gikan sa ilang bodega ug nakurat nalang nga gipahunong kini sa mga tawo ug gipahibalo nga duna siyay naligsan. Si Horequezo gituohang adunay deperensya sa pangisip ug wala kini sapot sa pagkahitabo.
Ang driver nga si Geraldiso gitanggong samtang nagpaabot sa kasong ipasaka batok kaniya. /IBM (BANAT NEWS)