CEBU, Philippines — Usa ka wa pa mailhing lalaki ang patay nang giugkat sa kabomberohan sa ibabaw sa poste sa kuryente diha sa Sitio Tamarin, Barangay Umapad, Dakbayan sa Mandaue alas 3 pasado ang takna sa miaging Domingo sa kaadlawon. Si Senior Fire Officer 1 Noel Codilla sa Mandaue Fire Station nagtuong nikatkat sa poste ang maong lalaki apan nakuryentihan diha duol sa transformer sa taas. Nagtuo si Codilla nga nahikapan sa maong lalaki ang live wire ug nakuryentihan. Gidala sa Mandaue City District Hospital ang lalaki apan gideklarar nga patay na.
Si Police Senior Master Sergeant Rey Patigdas sa Presinto 5 ang wala mailhing lalaki nagpangidaron og 30 ngadto sa 35, pamarog nga 5’4, nagsuot og green t-shirt ug fatigue nga purol. /IBM (BANATNEWS)