CEBU, Philippines — Nagkauyon ang Visayan Electric Company Employees Union (VECEU-NAFLU-KMU) sa paglusad og welga.
Matud ni Rolando Jimenez, ang pangulo sa union, nga sa 131 ka sakop, 120 ang pabor samtang pito lang ang supak ug dunay upat ka balota nga wala nalakip sa ihap.
Apan ang management sa Visayan Electric (kanhi VECO) nipasalig sa mga konsumedor nga dili mapakgang ang serbisyo.
Nahukman ang welga upat ka adlaw human ang unyon nisang-at og notice of strike batok sa kompaniya labot sa giingong “unfair labor practice and willful refusal on the part of the company to conclude a collective bargaining agreement” bisan sa mando sa Secretary of Labor niadtong Septiyember 6, 2019.
“The Visayan Electric Company would like to clarify that it has, in good faith, implemented the Order of the Department of Labor and Employment dated September 6, 2019, particularly the salary increase, pertaining to the case between the company and the Visayan Electric Company Employees Union (VECEU). The Visayan Electric Company has voluntarily released the salary increase, even before the company and VECEU have signed the new Collective Bargaining Agreement (CBA),” tubag sa VECO sa maong isyu.
Dugang niini nga an gang VECO nipirma na sa final draft sa bag-ong Collective Bargaining Agreement diin nalalip na ang DOLE Order ug pirmahanan nalang kini sa VECEU negotiating panel.
Matud ni Jimenez nga ang mga representante of the unyon ug management mobalik sa negotiating table sa National Conciliation and Mediation Board 7 karong adlawa. “Kami di gyud mi gusto mag strike. Hopefully, ihatag sa management ang among mga gipangayo,” matudy ni Jimenez. Gikan sa The Freeman/GMR