Dugang 4 Chinese gimonitor sa DOH
Decemay P. Padilla (Banat) - February 2, 2020 - 12:00am

CEBU, Philippines — Human makompirmar ang unang kaso sa 2019-Novel Coronavirus sa Pilipinas ang mga nagkadaiyang ahensiya sa gobyerno mihimo na sab og lakang aron malikayan ang maong virus. Ang Land Transportation Franchising and Regulatory Board (LTFRB) nagpagawas og Memorandum Circular no. 2020-005 nga nagmando sa tanang franchise holders nga  pasul-obon ang ilang mga drivers ug konduktor og face mask samtang nagtrabaho.

Hasta ang tanang terminal operators gimandoan nga manglimpyo kanunay ug manghatag og libreng face mask ug disinfectants sa mga pasahero.

Ang LTFRB-7 wala pa makadawat sa maong Memorandum apan sigon sa ilang Assistant Regional Director Reynaldo Elnar ilaha kining ipatuman dinhi.

Samtang ang Commission on Elections (COMELEC) nagpagawas sab og advisory nga nagpahibawo sa ilang ga empleyado sa precautionary measures batok sa 2019-Novel Corona Virus.

Si Atty. Marchel Sarno, Election Officer Cebu City North District miingon nga magpadayon ang ilang pagpangrehistro apan gimandoan iyang mga sakop nga mogamit og facemask, disinfectant ug tissue.

Upat ka mga turistang Chinese gikan sa Shiyan sa Hubei province sa China nga nangabot niadtong Biyernes didto sa Romblon ang gi-monitor karon sa DOH bisan wala sila nagpakita og sintomas sa maong sakit.

Ang grupo nangabot sa nasud agi sa Ninoy Aquino International Airport niadtong Lunes dayon nanakay og bus padung sa Lucena sa Quezon  ug nag- RoRo (roll on/roll off) padung sa Tablas Island sa Romblon.

Ang World Health Organization nag-ingon nga duha ngadto sa 10 ka adlaw ayha pa mopakita og sintomas ang natakboyan niini.

Samtang ang Centers for Disease Control and Prevention miingon sab nga gikan duha ngadto sa 14 ka adlaw ang incubation period sa maong virus base sa ilang nakita sa MERS (Middle East Respiratory Syndrome) viruses.

Niadtong Biyernes, ang DOH mipahibalo nga duna nay 31 ka  PUIs, 24 niini na-admit sa mga tambalanan apil na kadtong labing unang kompirmadong nataptan sa maong sakit nga 38-anyos nga babayeng Chinese nga naabot sa Sugbo via Hong Kong gikan sa Wuhan City sa Hubei Province niadtong Enero 21,2020.

Ang WHO mideklarar na nga ang nCoV outbreak us aka  Public Health Emergency of International Concern ug 19 na ka nasud gawas sa China ang nasudlan niini ug dunay kapin 9,800 na ang kompirmadong nataptan niini ug kapin sab sa 200 na ang namatay didto sa China. /IBM (BANATNEWS)

CHINESE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with