CEBU, Philippines – Ang Land Transportation Office (LTO)-7 subling niawhag karon sa mga tawo nga dili mogamit o magbutang og accessories sa ilang mga sakyanan nga nakalapas sa lagda aron dili mag-atubang og multa sa ilang mga kalapasan nga nahimo.
Kini ang gitug-an ni LTO-7 Director Victor Caindec nga gikahinabi sa mga tigbalita.
Si Caindec subling niluwat sa maong awhag human nga nagtrending ang usa ka tinun-an nga nigamit og wangwang aron dili ma-late sa pagkuha sa iyang exam.
Matud ni Caindec nga daghan karong mga nagmaneho sa ilang mga sakyanan ang magbutang og mga accessories sama sa mga blinker ug mga suga nga wala gitugot sa balaod hinungdan nga iyang giawhag nga tangtangon kini ug dili nalang magpaabot nga sila madakpan o kaha mabutang sa social media aron dili sila maulawan.
Ang pagbutang og mga ilegal nga accessories makahatag kini og risgo sa mga tawo ilabi na diha sa kadalanan ug unta dili nalang paaboton sa mga tag-iya og sakyanan nga mag-atubang sila og daghang violation.
Dugang ni Caindenc nga mopahamtang sila og tukmang silot ngadto sa mga malapason sa balaod ug dako og kahigayon nga matangtangan pa sila sa ilang lisensiya ilabi na kong bug-at kaayo ang maong mga balaod. /BDB (BANAT NEWS)