Panghinaut ni Labella natuman
CEBU, Philippines — Natuman ang panghinaut ni Cebu City Mayor Edgardo Labella alang sa hapsay, malinawon ug malampuson nga Sinulog 2020.
Nalingaw pag-ayo ang mga manan-away sa ika-40 nga Sinulog Festival.
Sa wala pa sugdi ang kalihukan, usa ka Santos nga Misa ang gipahigayon diin si Msgr. Roberto Alesna ang nangulo.
Human sa misa, uban si Bise Mayor Michael Rama ug Gobernador Gwendolyn Garcia, pormal nga gibuksan ni Labella ang Sinulog 2020.
«Maintain lang ta sa kahapsay ug kalinaw dili mag-inilogay, dili magsobra sa ilang gibati after all, these all for our Sto. Niño,» matud ni Labella. Ang Sinulog Ritual Showdown dunay duha ka kategoriya nga gilangkuban sa Sinulog Base ug Free Interpretation Category.
Sa Sinulog Base moabot sa 13 ka contingents ug 18 sa Free Interpretation. /GMR (BANATNEWS)
- Latest