Labella pabor sa desalination sa MCWD
Mary Ruth R. Malinao (Banat) - January 12, 2020 - 12:00am

CEBU, Philippines — Gitambagan ni Cebu City Mayor Edgardo Labella ang bag-ong mga sakop sa Metropolitan Cebu Water District Board nga susihon ang desalination isip solusyon sa krisis sa tubig sa siyudad.

"Desalination is quite expensive but it is faster to implement," matud ni Labella.

Matud niya nga kini ang una nga sangkap sa pag-implementar sa solusyon sa problema sa tubig ug mosunod ang pagbutang sa mga dam ug paggamit og service water.

Ang desalination mao ang pagtangtang sa parat ug uban pang mineral gikan sa tubig sa dagat aron kini mainom ug magamit sa mga tawo.

Kahinumduman nga gitudlo ni Labella niadtong Enero 6 ang lima ka bag-ong sakop sa MCWD Board nga gilangkuban nilang kanhi konsehal, Atty. Jose Daluz III, Atty. Francisco “Frank” Malilong Jr, kanhi mayor Alvin Garcia, Atty. Manolette Dinsay ug Miguelito “Mike” Pato.

Gitangtang ni Labella ang mga kanhi sakop sa MCWD Board nga mga tinudlo ni kanhi mayor Tomas Osmeña tungod sa giingong kapakyas sa paghatag og solusyon sa pagsulbad sa krisis sa tubig sa siyudad. Usa sa tahas ni Labella sa bag-ong MCWD Board ang paghatag og solusyon sa maong krisis. /GMR (BANATNEWS)

MCWD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with