CEBU, Philippines — Nikabat sa 72 ka bus ang nahatagan og special permit sa Land Transportation Franchising and Regulatory Board (LTFRB)-7 aron kini makabiyahe gawas sa naandan nilang rota niining yuletide season.
Ang director sa LTFRB-7 Eduardo Montealto Jr. nibutyag nga 37 ka bus sa south ang nahatagan og special permit ug 35 usab ka bus sa north ang nahatagan og special permit.
Ang pag-isyu og special permit nagsugod kini niadtong Disyembre 20, 2019 ug matapos kini sa Enero 4, 2020.
Niadtong Biyernes, ang LTFRB-7 nagsugod usab kini sa pagpahigayon og inspection sa mga terminal diin tumong niini ang road worthiness sa mga bus paglikay sa disgrasya.
Gibutyag ni Montealto nga dunay usa ka bus nga wala nila tugoting mobiyahe tungod kay napanit na ang recap sa ligid niini hangtud nga kini giilisan og ligid.
Ang tumong usab sa paghatag og special permit sa mga bus aron nga ma-accommodate ang tanang pasahero nga mopauli sa ilang mga lugar. BDB (BANATNEWS)