CEBU, Philippines — Ang Department of Interior and Local Government (DILG)-7 uban sa Negros Oriental Task Force to End Local Communist Armed Conflict nipahigayon sa “Dagyawan sa Barangay” ngadto sa Negros Oriental.
Ang maong kalihukan usa ka lakang aron mahiusa ang national ug lokal nga mga ahensiya sa gobiyerno ug maabot usab ang ilang mga serbisyo ngadto sa mga barangay.
Tumong usab sa kalihukan nga masumpo ang insurhensiya sa lugar. Ang “Dagyaw” usa kini ka termino nga “Hiligaynon” alang sa bayanihan nga nagpakita sa konsepto sa panaghiusa.
Si Leocadio Trovela, director sa DILG-7 nagkanayon nga ang Dagyawan usa sa mga pamaagi aron mahibaw-an ang mga isyu o problema diha sa mga barangay.
"It is a tool for convergence for government agencies, local and national alike to demonstrate our commitment to the president’s call to end insurgency by the year 2022”, ma ni Trovela.
Ang una nga Dagyawan sa Barangay: Talakayan ng Mamamayan at Serbisyo Caravan gipahigayon niadtong Septiyembre 10 ngadto sa 11, 2019 sa walo ka target nga barangay sa Lungsod sa Guihulngan nga gilangkuban sa Hinakpan, Planas, Trinidad, Binobohan, Tacpao, Imelda, Humay-Humay ug Sandayao.
Gisundan kini niadtong Oktubre 9, 2019 sa Canlaon City, Tayak sa Siaton niadtong Nobiyembre 4, 2019; Barangay San Pedro ug Talak sa Santa Catalina niadtong Nobiyembre 5, 2019; Mga barangay sa Mayabon ug Calango sa Zamboanguita niadtong Nobiyembre 14, 2019 ug ang kataposang Dagyawan gipahigayon sa Barangay Dobdon sa Valencia niadtong Nobiyembre 21, 2019.
Sa wala pay tulo ka bulan ang DILG nakahimo sa pagtapos sa ilang 16 ka target nga mga barangay.
“It will not end there, we will complete the focus barangay development plan by January 2020 to mainstream in the plan and the priority issues and the suggested solutions”, butyag ni Trovela.
Si Trovela nagkanayon nga usa sa mga hagit nga ilang giatubang mao ang limitasyon sa pundo.
"Mina-manage namin ang expectation ng community baka akala nila mere dialogues lang, walang concrete actions so yung concrete actions will come in phases”, matud ni Trovela.
Ang DILG-7 nagtinguha sa pagpahigayon og samang kalihukan ngadto sa Probinsiya sa Bohol sa tuig 2020 apan giingong lahi nga pamaagi ang ilang himuon. /BDB (BANATNEWS)