Lapu-Lapu mopalit og heavy-duty tow truck

CEBU, Philippines — Gitinguha sa kagamhanan sa Dakbayan sa Lapu-Lapu ang pagpalit og mga heavy-duty tow truck nga maoy gamiton alang sa dinalian nga pagkuha sa mga dagkung sakyanan nga maabiriya sa Marcelo Fernan Bridge ug Mandaue-Mactan Bridge.

Si Mayor Junard “Ahong” Chan sa iyang pamahayag niingon nga ilang nahukman ang pagpalit og mga heavy-duty truck human sa nahitabo mga naabiriya sa Marcelo Fernan Bridge nga nakamugna og grabeng paghuot sa mga sakyanan sa maong lugar.

Dali unta nga nakatubag sa maong alarma ang rescue team apan nilabay pa gyud ang pipila ka oras nga ilang nakuha ug nahipos ang naabiriya nga dump truck. “With a heavy-duty towing truck, they will be able to prevent the same incident and keep motorists and commuters from being stranded while on the road,” matud ni Chan.

Si Chan niingon nga adunay mga tow truck ang kagamhanan sa Dakbayan sa Lapu-Lapu apan limitado lang ang maguyod maong kinahanglan nila ang tow truck nga makaguyod sa mga dagku nga mga sakyanan. /GMR (BANATNEWS)