CEBU, Philippines – Dili na tugotan nga mo absent o mo leave ang mga sakop sa City of Talisay-Traffic Operation and Development Authority (CT-TODA) inig sugod sa Misa de Gallo.
Kini maoy gibutyag ni Jonathan Tumulak, hepe sa CT-TODA.
Matud ni Tumulak nga gibahin na ang iyang mga sakop sa walo ka simbahan sa siyudad. Ang matag simbahan gahinan kini 10 ka enforcer aron maoy mogiya sa mga sakyanan nga mosulod ug gawas.
Ang Misa de Gallo sugdan kini sa matag Disyembre 16 sa kadlawon sa matag tuig.
Matud ni Tumulak nga kinahanglang ang mga enforcer mag-una pa kini sa mga manim ahay tungod kay sila man ang mogiya ug magpahimutang sa mga sakyanan.
Ang mga enforcer usab kinsa ganahang mosimba ang makahigayon usab sa pagsimba tungod kay mahan-ay naman nila ang mga sakyanan sa dili pa magmisa. /BDB (BANAT NEWS)