CEBU, Philippines — Malampuson ang labing unang panagtapok sa mga opisyal ug mga sakop sa Political Officers League of the Philippines gikan sa Luzon, Visayas ug Mindanao niadtong Biyernes.
Nangulo sa panagtigum mao sila si Tuburan, Cebu Vice Mayor Democrito Diamante isip founding president sa POLPhil ug Metro Manila Development Authority chairman Danilo Lim isip chairman emeritus sa kahugpungnan.
Ang 1st POLPhil National Assembly gipahigayon sa Carlos Albert Hall sa Quezon City Hall Building sa Siyudad sa Quezon.
Si Diamante nagpasalamat kang Quezon City Mayor Joy Belmonte ug Bise Mayor Gian Sotto sa pagpagamit sa lugar ug paghatag og igong seguridad sa mga nanambong nga gikan sa nagkalainlaing lugar sa nasud.
Ang secretary-general sa POLPhil nga si Rudy “Kid” Canedo nibutyag nga niabot sa 160 ka opisyal ug mga miyembro samtang 100 ka sectoral leaders sa Siyudad sa Quezon ang nanambong sa kalihukan.
Gipasabot ni Diamante nga tumong sa grupo ang pagtabang sa nasud nga molambo ilabi na nga gibutyag sa Hong Kong Shanghai Bank nga ilang napanglantawan nga ang Pilipinas sa 2050 mahimong ika-16 nga “largest economy” sa kalibutan.
Matud ni Diamante nga aron kini matuman, tinguha sa POLPhil nga maestablisar ang Center for Governance Excellence nga dumalahon sa mga political officers ug development workers sa tanang rehiyon.
Human sa maong panagtigum, matug ni Diamante nga ipahigayon ang island-wide ug region-wide assemblies.
Kini aron tukion ang karukuran sa maong regional centers of excellence pinaagi sa pagtambayayong sa gobiyerno, pribado, civil society organizations ug akademiya.
“With this we would like The Political Officers League of the Philippines has created centers for participation where government, the private sector, and the civil society organizations can work towards critical programs on peace building, education, entrepreneurship, technology and innovation, agricultural modernization and people’s participation in governance,” matud ni Diamante.
Si Lim sa iyang sa bahin nipasabot nga sayon ra kaayong isulti ang tinguha alang sa kalamboan ug pinaagi sa paghugpong sama sa gihimo sa POLPhil maoy moduso sa kampanya ug mga programa tumong sa gitinguhang kalamboan.
“We will share strategies and best practices with one another, especially to the new generation of political officers. This network is the ideal avenue for mentoring and coaching,” matud ni Lim.
Gipasabot ni Lim nga kung magtambayayong ang nagkalainlaing sektor walay imposible sa katumanan sa maong damgo. (BANATNEWS)