Gibutyag ni Contratista nga dugay na siya nga nagnegosyo og lechon ug kong unsay gusto o request sa kostumer mao ang ilang ihatag ug wala pay kostumer nga nireklamo kanila.
File
Mamaligyaay og lechon sa Cebu City ipa-monitor
Rowena D. Capistrano, Alicia Ivy L. Chua (Banat) - November 8, 2019 - 12:00am

CEBU, Philippines — Gimandoan ni Cebu City Mayor Edgardo Labella ang City Health Office (CHO) nga i-monitor ug ipatuman ang mas estrikto nga regulasyon sa mga namaligya og letson baboy sa Dakbayan sa Sugbo.

Kini human sa ulahing insidente nga nahitabo sa Dakbayan sa Carcar nga nag-viral sa facebook.

Hinuon si Labella nipadayag sa iyang kompiyansa nga ang nahitabo sa Dakbayan sa Carcar dili kini mahitabo sa Dakbayan sa Sugbo.

Nunot niini, si Bise Mayor Michael Rama gikatakdang mopatawag og tigom sa mga mamaligyaay og lechon sa siyudad aron tukion ang mga regulasyon alang usab sa ilang kaayohan.

Subay niini, maayong pagtagad ug ang kagustohan sa kustomer nga walay lipat-lipat maoy gihuptan nga barometro sa mga manindahay og lechon diha sa Jai-alai sa Barangay Mambaling, Dakbayan sa Sugbo.

Kini ang gipasigarbo ni Rodulfo Contratista, tag-iya sa Frinas Lechon nga nahinabi sa Banat News.

Gibutyag ni Contratista nga dugay na siya nga nagnegosyo og lechon ug kong unsay gusto o request sa kostumer mao ang ilang ihatag ug wala pay kostumer nga nireklamo kanila.

Matud usab ni Contratista nga dili sila mobaligya og bahaw nga lechon tungod kay kong adunay sobra sa ilang lechon nga baligya ilaha kining paksiwon ug ibaligya usab ug usahay ilang ikunsumo.

Gawas sa maayong pagtagad sa mga kustomer nituman usab sila sa mga rekisitos sa siyudad ilabi na sa kalimpiyo sa ilang baligya.

Sama kang Contratista laing mamaligyaay og lechon diha sa lugar nga si Norma Dele Cerna sa J and A Lechon House mapasigarbohon usab kini sa ilang baligyang lechon nga limpiyo ug nituman usab sila sa mga rekisitos. (/BDB)(BANATNEWS)

 

LECHON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with