Cebu, Philippines — Patay nang miabot sa tambalanan ang usa ka lalaking gipusil sa wala pamailhing mamumuno samtang kini nagduwa og computer sud sa kompyuteran Sitio Bato, Brgy. Ermita nidatong Biyernes sa kaadlawon.
Sumala pa ni Police Corporal Christopher Segovia sa Carbon Police Station naila lang ang biktima nga alyas Bunso, gibanabanang 25 anyos.
Giingong nagduwa kini og kompyuter dihan giduol sa mamumuno ug gipusil gamit ang kalibre .45 tulo ka higayon tuo nga kamot, liog ug wala nga bukton niini.
Nakadagan pa ang biktima apan gigukod kini ug giusban sa likod. Patay na kini pagabot sa tambalanan.
Wa pa matino kun unsay motibo sa maong pagpamusil. IBM ( BANAT NEWS)