CSBT nangandam na sa kalag-kalag
Decemay P. Padilla, Gabriel C. Bonjoc (Banat) - October 23, 2019 - 12:00am

CEBU, Philippines —Bisan og duha pa ka semana sa dili pa ang kalag-kalag, ang kadagkuan sa Cebu South Bus Terminal sayo nangandam sa seguridad alang sa mga pasahero nga modagsa paingon sa probinsiya.

Matud sa manager sa CSBT, armen Quijano, mismo ang Provincial Disaster Risk Reduction and Management Office nibisita sa terminal aron pagtan-aw kun unsay kuwang ug angayan nga buhaton.

“Kami pud concern kaayo mi sa mga passengers coming in and out amo gyud na gigamitan og microphone nga layo pa gali duna tay preparations kung mahimo dili ta magda og bata, iuna to ang bata og uli sa probinsiya nya kita nga mga dagku reason nga motiyabaw unya labi na atong mga sakyanan makuwang kay we cannot expect more buses daghan gyud kaayo sakyanan kay ang gidaghanon sa mga tawo cannot compare by buses,” asoy ni Quijano.

Mangayo sab sila ni Gobernador Gwendolyn Garcia og dugang blue guards, Civil Security Unit personnel ingon man gikan sa kapolisan.

Gipahimangnoan sab nila ang mga bus operators nga andamon nila ang tanan ilabi na ang maintenance sa sakyanan lakip sa relibo nga drayber.

Ang CSBT dunay dul-an 500 ka bus ug positibo si Quijano nga ma-accommodate ang tanang pasahero nga modagsa.

Samtang si Jonathan Gines, team leader sa day shift nga CSU, niingon nga daghan sab sila og gihimo nga pagpangandam.

Magdugang sila og 20 ka security guards ug CSU personnel ug duna sab sila’y meeting tali sa mga bus operators.

Gilauman nga moabot sa 150,000 ngadto sa 200,000 ka pasahero ang maabot sa CSBT nga mouli sa habagatang bahin sa Lalawigan sa Sugbo.

Awhag nila sa mga pasahero nga kun mahimo dili kaayo magdala og daghang butang aron madali sa pagkarga ug kun mahimo ang mga mahalon nga gamit ibilin nalang sa balay aron malikayan ang dili maayong panghitabo.

Samtang nangayo na og dugang pwersa ang kapolisan sa Dakbayan sa Talisay isip pagpangandam sa kalag-kalag human ang pipila ka polis ang nabalhin na og assignment.

Kagahapon, si Konsehal Gail Restauro, chairman sa committee on peace and order, niduso og resolusyon sa paghangyo sa direktor sa Cebu Provincial Police Office alang sa dugang pwersa.  Ang dakbayan adunay lima ka sam-ang diin duha niini ang pangpubliko samtang tulo ang pribado.

Hinoon si Police Major Gerard Ace Pelare, hepe sa Talisay City Police Station, nitataw nga anaa ra gihapon ang pwersa sa mga force multiplier ug sa mga barangay tanod nga andam motabang kanila sa pagmentinar sa kahapsay ug kalinaw.

Nakig-alayon na sila sa mga simbahan ingon man sa sam-ang aron ilang iplastada ang iyang mga tawo.

Gawas niana, iya sab gihangyo ang katawhan nga dili isalig ang tanan ngadto sa kapolisan kay naa man sab sa usa ka tawo ang ilang seguridad ingon man ang ilang kabtangan. (BANATNEWS)

PROVINCIAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with