Consolacion aduna nay Amphitheatre
Romeo T. Limpangog (Banat) - October 22, 2019 - 12:00am

CEBU, Philippines — Hingpit na nga gisubhan ang mokabat sa P5 milyones nga kantidad nga Amphitheatre sa kagamhanan sa Lungsod sa Consolacion nga nahimutang sa ikatulong andana sa ilang government center diin nahimutangan sab ang ilang munisipyo.

Si Consolacion Mayor Joannes “Joyjoy” Alegado maoy nangulo sa pagsubo nga gitambungan sa mga sakop sa konseho ug mga opisyal sa barangay.

Matud ni Alegado nga ang maong Amphitheatre ang daan na nga giplano nga tukuron sa panahon pa sa iyang inahan nga si kanhi mayor Teresa Alegado nga karon mao naang bise mayor. Dugang pa niya nga ang maong Amphitheatre nga ilang gitukod maoy magsilbing lugar alang sa nagkadaiyang kalihukan nga naglakip na sa cultural, mga seminar o mga matulun-anon nga mga kalihukan.

Kompleto kini sa mga kahimanan ang maong lugar nga naglakip sa 200 kapin ka lingkuranan, sound system, brand new nga projectors ug ingon man daku nga screen, carpeted ang sawog, kompleto sa mga suga ug fully-air-conditioned.

Matud ni Mayor Alegado nga dili ordinaryo nga lingkuranan ang ilang gibutang sa sulod sa maong Amphitheatre tungod kay imported man kini gikan sa Singapore.

“Nindot pud kaayo nga kini nga developments sa atong lungsod kay kung naa tay theatre mapasigarbuhon man sab ta kay talagsaon ra man sa usa ka lungsod nga nagbaton niini,” dugang pamahayag ni Mayor Alegado.

Samtang si Bise Mayor Alegado sa iyang pamahayag nipasabot nga bukas ang maong kahimanan sa tanang molupyo sa kabarangayan sa lungsod ug libre ang paggamit kun gamiton alang sa mga kalihukan nga naglambigit sa kagamhanan apan may bayad usab alang niadtong mogamit alang sa pribado nga kalihukan nga pagahimoon. (BANAT NEWS)

AMPHITHEATRE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with