Kapitolyo nanawat na og partisipante sa Suroy-Suroy
CEBU, Philippines — Dili mominus 200 ngadto sa 300 ka tawo ang gipaabot nga moapil sa Suroy-Suroy Sugbo karong tuiga ubos sa administrasyon ni Gob. Gwendolyn Garcia.
Padayon ang pagdawat karon sa Kapitolyo pinaagi sa Provincial Tourism Office og mga partisipante alang sa tulo ka adlaw nga pagsuroy sa habagatang bahin sa Lalawigan sa Sugbo diin ipasigarbo ang mga nindot nga lugar ug tourist destination.
Matud ni Marti Ybañez, pangulo sa Provincial Tourism Office, nga dili moubos sa P9,000 ngadto sa P17,000 ang mabayad sa usa ka delegado alang sa “3-days and 2 nights” nga package sa Suroy-Suroy apil na niini ang accommodation, transportation, pagkaon, giveaways ug uban pa.
Matud ni Ybañez nga 80 porsyento na nga natapos ang pag-upgrade sa mga resorts ug rooms nga nisaad nga moapil sa Suroy-Suroy Sugbo pinaagi sa tabang sa usa ka kompaniya nga eksperto sa hospitality management sa mga hotels ug accommodation establishment.
Matud sab ni Garcia nga ang Suroy-Suroy Sugbo mahitabo kini Nobiyembre 15 ngadto sa 17 diin liboton niini ang mga lungsod sa habagatan sugod sa Minglanilla tuyok dayon mo hunong sa ikatulo nga adlaw sa Dakbayan sa Talisay. (/GMR)(BANATNEWS)
- Latest