CEBU, Philippines — Duha ka mga tawo ang nasikop sa gipahigayong buy bust operation sa mga tinugyanan sa City Drug Enforcement Unit sa Barangay Calamba ning Dakbayan sa Sugbo.
Ang nasikop mao ang managuyab nga sila si Ritchie Jimenez, 31, ug ang subject sa operasyon nga si Mary Arnelynne Abella, 39, mga residente sa Sitio Hollowblock sa maong barangay. Nasakmit gikan sa maong mga dinakpan ang usa ka putos sa gituohang shabu nga mobalor og P300 mil base sa Dangerous Drug Board Value ug ang buy bust money
Ang mga dinakpan nagdumili paghatag og pamahayag bahin sa pagdakop kanila sa dihang gikuhaan ug mga pamahayag sa Banat News.
Ang mga dinakpan pasakaan og kasong paglapas sa Republic Act 9165 o Comprehensive Dangerous Drugs Act karong adlawa. (/IBM)(BANATNEWS)