CEBU, Philippines – Gihangop sa mga tinun-an ug mga trabahante ang pagtugot na sa mga maglakaw sa Mactan-Mandaue Bridge.
Kini ilabi na nga lisud ang pagsakay sa mga tinun-an sa usa ka unibersidad sa Dakbayan sa Mandaue sa ilang pag-uli sa Dakbayan sa Lapu-Lapu panahon sa kagabhion.
Sagad sa mga tinun-an manglakaw nalang tabok sa taytayan aron makadaginot sab sa ilang plite.
Si Crisanto Amoro, 32, taga Basak, Dakbayan sa Lapu-Lapu nga nagtrabaho isip security guard sa usa ka establisemento sa Looc, Dakbayan sa Mandaue usa sa nahinangop.
Matud niya nga dunay higayon nga mag-over time siya sa iyang duty ug alas 2 na sa kaadlawon nga mopauli diin kasagaran maglakaw lang.
Gipahibawo ni Lapu-Lapu City Mayor Junard “Ahong” Chan nga giuyonan ang iyang hangyo sa ilang panagtigum sa mga sakop sa Mactan-Cebu Bridge Management Board (MCBMB) nga tugutan na ang maglakaw sa maogn taytayan. (/GMR)(BANAT NEWS)