Inn gihimong drug den, 9 sikop
CEBU, Philippines — Gisikop sa mga sakop sa Philippine Drug Enforcement Agency 7 ang siyam ka tawo sulod sa inn nga gihimong drug den sa Barangay Kalubihan, Dakbayan sa Sugbo niadtong Domingo sa gabii.
Ang mga nasikop mao ang drug den maintainers nga sila si Teresita Flores alias Joy, 39, ug Jocelyn Punay alias Kulot, 33-anyos.
Lakip sa mga nasikop ang drug visitors nga sila si Marilyn Cuervo, 30; Jeffrey Damayo, 32; Alberto Pasculado, 30; Nonar Baculi, 31; Juanito Barangan Jr., 42; Wilbert Tacoloy, 33, ug Junjun Rebamonte, 33-anyos.
Nasakmit gikan sa mga dinakpan ang 41 ka putos sa ginadili nga drugas nga balor og P122,400, tulo ka plastic sachet nga adunay residue sa drugas, usa ka mobile phone, timbangan, drug paraphernalia ug P1,140 nga kwarta.
Matud ni Leia Albiar-Alcantara, tigpamaba sa PDEA-7, nga duha ka semana ang case build-up ug maka-dispose kini og 15 ngadto sa 20 gramos matag semana. Samtang ang hepe sa City Intelligence Branch sa Cebu City Police Office, Police Major Randy Caballes, padayon karong nisusi sa posibleng mga kauban nila Andrew Daroy ug John Patrick Gabisan, pulos lumad nga taga Ozamis City ug temporaryong nagpuyo sa Dakbayan sa Sugbo sulod palang sa usa ka tuig.
Sa pagkakaron ang maong dinakpan magkuhaan og drugas sa Sugbo gikan sa mga dagkung players nga padayong gipaubos sa pakisusi.
Giklaro ni Caballes nga walay mahitabo nga recycle sa drugas sa CCPO ug wala sab silay nadawat nga taho nga gikan dinhi ang paghimo sa ginadiling drugas kay sa pagkakaron daku ang ilang pagtuo nga gawas pa kini sa Sugbo. (GMR) (BANATNEWS)
- Latest
