^

Banat Balita

Biseklita, maglakaw gidili sa taytayan

Le Phyllis F. Antojado-Orillaneda - Banat

CEBU, Philippines – Hingpit na nga gipatuman kagahapon ang pagdili sa mga biseklita nga moagi sa duha ka taytayan nga nagdugtong sa Dakbayan sa Mandaue ug Lapu-Lapu.

Ang Mactan–Cebu Bridge Management Board nihimo sa maong lakang nunot sa sunod-sunod nga insidente sa pag-ambak sa taytayan.

Bisan sa pagsaway, si MCBMB chairman, Gob. Gwendolyn Garcia nagkanayon nga ang taytayan wala gihimo alang sa mag-biseklita.

Gawas sa biseklita, gidili na sab ang maglakaw sa taytayan gikan sa ala 1 sa kaadlawon hangtud alas 5 sa buntag.

Samtang gisuportahan ni Lapu-Lapu City Mayor Junard “Ahong” Chan ang higpit nga pagbantay sa kapolisan sa duha ka taytayan. Kini pinaagi sa abag sa mga tanod sa Barangay Pajo ug Pusok aron pagpakgang sa mga tawo nga nagtinguha sa paghikog pinaagi sa paglayat sa taytayan.

Buot ni Chan nga bansayon ang mga tanod sa pagpugong sa mga tawo nga gustong maghikog.

Apan duna siyay hangyo kang Garcia nga dili lang mopatuman og curfew ug tugutan lang ang maglakaw sanglit maapektuhan kadtong mga kabus nga gusto lang maglakaw aron dili makagasto og plite matag adlaw.

Lakip sa maapektuhan ang mokabat 10,000 ka tinun-an nga Oponganon sa usa ka unibersidad sa Dakbayan sa Mandaue kinsa magpalakaw lang sa ilang pagpamauli paingon sa Dakbayan sa Lapu-Lapu. (Romeo T. Limpangog/GMR)(BANAT NEWS)

GIDILI

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with