Archival niawhag sa executive nga mangita og laing pundo
Jean Marvette A. Demecillo (Banat) - August 25, 2019 - 12:00am

CEBU, Philippines — Si Konsehal Nestor Archival nga kaalyado sa oposisyon sa konseho sa Dakbayan sa Sugbo niawhag sa executive department nga papangitaon og laing tinubdan sa pundo alang sa P2.5 bilyones Supplemental Budget-2.

Atol sa regular nga sesyon niadtong Martes si Archival nagkanayon nga ang siyudad dili kinahanglang mogamit sa halin sa 45.5 ektarya nga luna diha sa South Road Properties.

“Well, we’re happy to have this second supplemental budget. However, based on the documents, the budget is coming from the sale of the SRP. Considering there’s still a case, can we ask the committee to find another fund for this?”, matud ni Archival

Niadtong tuig 2015, ang mga kompaniya nga nipalit sa luna diha sa SRP nibayad og 50-porsyento nga down payment nga nagkantidad og P8.35 bilyones.

Niadtong tuig 2016, gigamit sa siyudad ang kapin sa P4 bilyones aron pundohan ang annual budget.

Kahinumduman nga si kanhi mayor Tomas Osmeña wala nigamit sa nahabilin nga kwarta tungod kay aduna siyay plano sa pag-uli sa kontrata.

Ang nahabilin nga P3.5 bilyones nga bayad sa tuig 2015 wala gihapon magamit hangtud karon.

Si Labella nagkanayon nga ang Court of Appeals nibasura sa kaso ni Romulo Torres kinsa nga nagkwestiyon sa pagbaligya sa luna niadtong 2015.

Samtang si Konsehal Raymond Alvin Garcia nagkanayon nga mahimo nga ipadayag ni Archival ang iyang mga pangutana atol sa budget hearing kinsa ang mga opisyal gikan sa Local Finance Committee ang makatubag niini.

Ang konseho gikatakdang mopahigayon og budget hearing karong Agosto 27 sa alas 8:00 sa buntag. (/BDB)(BANATNEWS)

 

 

ARCHIVAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with