CEBU, Philippines — Si Cebu City Mayor Edgardo Labella nisaad nga ang administrasyon sa siyudad mo-endorso sa Cebu Rail Project sa higayon nga kini isumiter kini sa Cebu City Development Council (CCDC).
Gikataho nga ang Udenna Infrastructure Corporation gihatagan sa orihinal nga proponent status alang sa P80 bilyones nga Cebu Rail Project.
Bisan og ang proyekto nga naglakip sa usa ka sestema sa monorail nanginahanglan kini og pag-endorso gikan sa CCDC ug sa Regional Development Council.
Si Labella nisaad nga i-endorso ang proyekto kon mahatag na kini sa gobiyerno sa siyudad.
Matud ni Labella nga ang Cebu Rail Project kabahin kini sa Integrated Intermodal Transport System alang sa Metro Cebu.
Wala pa gyud giendorso sa Department of Transportation ang proyekto sa National Economic and Development Authority alang sa pagsusi sa technical niini.
Ang ubang mga kompaniya adunay higayon sa pagsumiter sa counter proposal batok sa Udenna nga P80 bilyones nga Cebu Rail Project ubos sa Swiss Challenge. Nunot niini, si Labella nagkanayon nga ang siyudad motabang sa pagpatuman sa multi-billion nga Cebu Bus Rapid Transit nga proyekto nga kabahin sa IITS sa Metro Cebu.
Matud usab ni Labella nga ang Department of Transportation ug ang Department of Public Works and Highways nag-finalize sa listahan sa mga kabtangan nga maapektohan sa pagpatuman sa BRT project. (/BDB)(BANATNEWS)