CEBU, Philippines — Gihangyo ni Talisay City Mayor Gerald Anthony “Samsam” Gullas Jr. si Dr. Arden Monisit, ang schools division superintendent, sa paghimo og inventory sa tanang school buildings sa siyudad. Kini human si Gullas nagtinguha nga kuhaan niya ang mga edipisyo og insurance.
Una niini, usa ka dakung sunog ang niulbo sa Talisay City National High School sa Barangay Poblacion niadtong Lunes sa hapon. Gani nasunog gyud ang stockroom sa maong edipisyo ug gikaon ang mga bintana niini sa kayo.
Maayo nalang kay napawong ra ang nagmangtas nga kayo ug wala makadaku ang danyos.
Nahibaw-an ni Gullas nga ang edipisyo nga hapit masunog walay insurance. Mohangyo na sab ang nagdumala sa tunghaan ngadto sa Department of Education (DEPED) aron mahatagan og pundo aron ipaayo ang nasunog nga edipisyo. Apan ang proseso dili dali nga kinahanglan pa og panahon nga maabot kini. Nakita sa mayor nga kung na insured ang edipisyo makatabang kini kay dali ra man nga makapaayo sa nangaguba. “I also asked the DPWH through my staff in charge of education to immediately turn over the new ones so that not only can they be used by our students but also for DepEd to immediately process for their insurance at the GSIS. It’s better to prepare for the worst than wait for the worst to happen then react,” dugang pa sa mayor. (/GMR)(BANATNEWS)