Inahan niabuso sa mga anak priso sulod sa 15 ka tuig
Camille L. Pateres (Banat) - August 1, 2019 - 12:00am

CEBU, Philippines — Gihukman sa korte nga mabilanggo sulod sa 15 ka tuig ang 45-anyos nga inahan kinsa niunay sa pagbugaw sa iyang lima ka anak.

Niadtong Martes sa udto giangkon sa maong inahan ang nahisgutang krimen diha sa sala ni Regional Trial Court (RTC) Judge Ramon Daomilas Jr. sa Branch 11, Dakbayan sa Sugbo.

Ang maong inahan gihukmang mabilanggo sulod sa 15 ka tuig ug pagbayaron kini og P1.5 milyones nga danyos.

Niadtong Abril 16, niining tuiga ang maong inahan nadakpan sa entrapment operation sa Women and Children Protection Center – Visayas Field Unit (WCPC-VFU) diha sa Barangay Jagubiao, Dakbayan sa Mandaue.

Ang WCPC usa ka specialized nga grupo sa kapolisan diin ang tahas niini mao ang pagsumpo sa trafficking. Sa maong operasyon na-rescue ang 6-anyos nga anak sa akusado nga maoy gigamit niini sa transaksiyon.

Lakip nga na-rescue ang tulo ka babayeng anak sa akusado kinsa gikatahong gibugaw niini kaniadto diha sa online ug ang usa ka lalaki nga anak kinsa giingong at-risk sa maong krimen.

“Today’s conviction brings with it a harsh punishment of 15 long years of imprisonment for the offence she committed to her victims. We hope that these long years of serving her sentence will serve as a warning to all suspects engaging in online sexual exploitation of children”, matud sa hepe sa WCPC-VFU Police Colonel Romeo Perigo. (BDB) (BANAT NEWS)

REGIONAL TRIAL COURT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with