19 ka pusher sikop sa buy-bust
Rowena D.Capistrano, Gabriel C. Bonjoc (Banat) - August 1, 2019 - 12:00am

CEBU, Philippines — Nadakpan atol sa buy-bust operation ang magsuong durugista sa Sitio Litmon, Barangay Dumlog, Dakbayan sa Talisay kagahapon sa udto.

Ang subject sa operasyon mao si Rommel Ocaba Rico samtang iyang kauban sa ilegal nga negosyo ang iyang manghud nga si Richard Ocaba Rico, pulos hingkod ang panuigon nga nagpuyo sa maong lugar.

Matud ni Police Captain Nazarino Emia, deputy chief sa Talisay City Police Station, nga nisibaw na ang pangalan sa subject gumikan sa impormasyon nga gihatag sa katawhan.

Atol sa operasyon matud ni Emia nga hapit nakasibat ang duha human nakabantay nga polis ang ilang gikasabot.

Hinoon abtik sab ang iyang sakop sa pagkupot sa duha hinungdan nga nakuhaan kini og drugas nga nitimbang og 29.2 gramos nga adunay gibana-bana nga kantidad nga P198,550.

Samtang tulo ka tawo ang nasikop sa managlahi nga operasyon sa kapolisan sa Dakbayan sa Sugbo sayo sa kaadlawon kagahapon.

Unang operasyon nahitabo sa may Sitio Lutaw-lutaw, Barangay Santo Niño diin nasikop si Mylene Batuto, 43, taga Barangay Ermita, kinsa nasakmitan og usa ka putos nga ginadiling drugas.

Laing nasikop mao sila si George Labrador, 41, ug Rolando Devivar, taga Barangay Luz, kinsa nakuhaan og mga pinutos nga ginadili nga drugas nga motimbang og P122,000.

Sa laing bahin mokabat sa P357,000 nga balor sa drugas ang nasakmit sa managlahing buy-bust operation apil niini ang tulo ka menor de edad sa Dakbayan sa Sugbo kagahapon.

Ang mga nadakpan mao ang 16 ug 17-anyos kinsa pulos taga Sitio Nava, Mambaling ug laing 17-anyos nga taga Cogon Pardo ug ang kauban niini nga 29-anyos nga si Shinovu Nogi, taga Tabunok Dakbayan sa Talisay.

Nasakmit gikan sa mga dinakpan ang 12 ka pakete sa gituohang shabu nga nagkantidad og P90,848.

Nadakpan sab ang tulo ka drug pushers sa buy-bust operation sa Barangay Mambaling.

Ang mga nadakpan mao sila si Ricardo Oca, 53; Agnes Abatayo, 35, ug Jerome Villeno,36, pulos molupyo sa maong lugar.

Nakuha sa kapolisan ang 23 ka pakete sa gituohang shabu nga balor og P9,384.

Sa Barangay Lahug nasikop ang 21-anyos nga si Edsel Menchavez kinsa nasakmitan og 40 ka pakete sa shabu balor og P27,800.

Mokabat sab sa P168,980 nga kantidad sa shabu ang nasakmit sa Sitio San Roque, Sambag 1, diin nasikop ang 21-anyos nga si Cindy Artajo, usa ka high-value target.

Laing nadakpan sa Barangay Day-as nga sila si Jetka Tan, 34, ug Romnick Cabrillas, 27, pulos nagpuyo sa maong lugar diin nasakmit ang 13 ka pakete sa gituohang shabu nga nagkantidad og P13,600.

Nadakpan sa Barangay Tinago sila si Evangeline Ompad, 45, ug Meljude Vasquez, 31, pulos nagpuyo sa maong lugar kinsa nakuhaan og walo ka pakete sa gituohang shabu nga kantidad og P44,200.

Nadakpan sab sa Barangay Pari-an si Willy Hontella, 45, kinsa nakuhaan og siyam ka pakete sa gituohang shabu ug 500 buy-bust money nga nagkantidad og P2,040. (Jenny Luz R. Tejas ug Noreen Rose C. Vilchez, CNU Interns/GMR) (BANAT NEWS)

BUY-BUST OPERATION
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with