CEBU, Philippines — Hagbong nga grado maoy gihatag sa mga militanteng pundok atol sa ilang gipahigayon nga United People’s SONA kagahapon, pipila ka oras sa wala pa ang aktwal nga pagbatbat ni Presidente Rodrigo Duterte sa iyang ika-upat nga State of the Nation Address kagahapon.
Sumala ni BAYAN Central Visayas chairman Jiame Paglinawan, hagbong nga grado ang ilang ihatag ni Duterte tungod sa palpak niining mga saad. Susama usab ang grado nga gihatag sa ubang pundok nga miapil sa maong lihok protesta.
Apan alang kang Bise Gobernador Hilario Davide III nga padayon nga taas ang rating sa presidente diin nagpasabot lang kini nga daghang mga Pilipino ang nisalig niini sulod sa tulo ka tuig nga pagserbisyo sa nasud.
Si Gobernador Gwendolyn Garcia nitambong sa SONA sa presidente didto sa kaulohan. - Jenny Luz Tejas ug Noreen Rose C. Vilchez (BANAT NEWS)