CEBU, Philippines — Magsilbing pilot offices ang tulo ka buhatan sa kagamhanan sa Siyudad sa Talisay aron himuong computerized na ang transaksyon niini.
Si Mayor Gerald Anthony “Samsam” Gullas Jr. nakakita sa ka importanti sa computerization sa mga buhatan aron aron madali ang ilang gimbuhaton ug wala nay hasol sa katawhan nga adunay tuyo sa usa ka buhatan.
Giuna ang mga buhatan sa City Assessor, City Treasurer ug City Licensing nga maoy kasagarang adunay daghang tawo matag adlaw.
Ang kontraktor sa pag-instalar sa computerization nipasalig nga karong Agosto 8 magamit na kini sa tulo ka buhatan.
Sa nasayran, taud-taud na kining plano sa mga nilabay nga administrasyon apan karon lang matuman human ang administrasyon ni Mayor Samsam naghingusog niini. (/DILT)(BANATNEWS)