Ang maong linoog nga krimen nahitabo sa usa sa mga barangay sa Syudad sa Talisay. Nabisto lang ang dautang binuhatan sa amahan human nga adunay misumbong sa kapolisan kay nakit-an kining nagtak-in og armas.
File
Pito ka anak gi-sex slave sa papa
Gabriel Bonjoc (Banat) - May 19, 2019 - 12:00am

CEBU, Philippines — Pito ka mga managsuong babaye nga nag-edad gikan 5 anyos hangtud 18 anyos ang giluwas sa mga otoridad gikan sa ilang amahan human nga gihimo sila niining sex slaves.

Ang maong linoog nga krimen nahitabo sa usa sa mga barangay sa Syudad sa Talisay. Nabisto lang ang dautang binuhatan sa amahan   human nga adunay misumbong sa kapolisan kay nakit-an kining nagtak-in og armas.

Ang suspek kansang pangalan gipugngan sa Banat News aron proteksyonan ang iyang mga anak nga biktima, gisikop  niadtong miaging adlaw human siya  nakuhaan og .38 revolver nga way mga papeles.

Si Police Major Ardeolito Cabagnot, deputy chief sa Talisay City Police Station nibutyag nga nagpangidaron og 18 ngadto sa 5 anyos ang mga anak sa suspek nga iyang gipanglugos.

Upat ang babaye samtang tulo ang lalaki sa iyang mga anak.  Sigon pa ni Cabagnot nga hasta ang mga anak niining lalaki giapil sab nga giamong-amongan sa suspek pinaagi sa pagpaugay-ugay sa iyang kinatawo.

Limitado lamang ang gihatag nga impormasyon sa kapolisan bahin sa maong kaso ilabi na nga naglambigit kini sa mga menor de edad ug ang suspek ilaha rang amahan.

Ang suspek estambay samtang ang  inahan sa mga bata nagtrabaho og parlor, ug giingong mahitabo ang pagpanglugos kun wala kini. Mahadlok sab motug-an ang mga bata ngadto sa ilang mama.

Apan giingong ang usa sa mga anak sa suspek nga giamong-amongan napuno na sa pagbiaybiay ug pagguba sa ilang pagkatawo ang nisumbong sa mga silingan bahin sa gibuhat kanila sa ilang amahan hinungdan nga naabot sa kapolisan ang impormasyon bahin sa pait nga kasinatian sa mga bata.

Apan ang suspek kusganong nihimakak sa mga pasangil batok kaniya. Matud pa niini, naglagot kaniya ang iyang anak tungod kay nakasab-an kini kaniya.

Apan ang kapulisan mopasaka gyud og kaso nga rape ingon man acts of lasciviousness batok sa suspek.(/IBM)(BANATNEWS)

RAPE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with