5,000 ka kawani sa Cebu City Hall makadawat og bonus
Decemay P. Padilla (Banat) - May 16, 2019 - 12:00am

CEBU, Philippines – Moabot sa 5,000 ka regular ug casual employees sa Cebu City Hall ang makadawat og mid-year bonus nga gikatakdang ma-release karong semanaha.

Si Assistant City Administrator Annabeth Cuizon nagkanayon nga ang executive department nagproseso na alang sa pag-release sa mid-year bonus sa mga empleyado ug tanang city hall elected officials.

“The midyear bonus is equivalent to the one month salary of the employees”, matud ni Cuizon.

Kadtong mga empleyado nga nagserbisyo sa city government gikan sa buwan sa Enero niining tuiga ang makadawat sa ilang mid-year bonus.

Gibutyag ni Cuizon nga kagahapon nagsugod na siya og pirma sa mga payroll sa mga empleyado.

Gikataho nga adunay mga empleyado nga nakadawat sa ilang bonus kagahapon samtang ang ubang empleyado makadawat sa ilang bonus niining semanaha. Ubos sa budget circular sa Department of Budget and Management ang bonus sa government employees ug officials ihatag sa mga empleyado sa dili pa ang Mayo 15. Si City Budget Officer Marietta Gumia nagkanayon nga ang siyudad nigahin og P103.8 milyones alang sa mid-year bonus diin lakip kini sa annual budget karong tuiga. Kadtong mga casual employees nga nakaserbisyo na sulod sa upat ka buwan ang entitled nga makadawat sa bonus.

 Pasabot niini nga ang casual employees na-hired niadtong buwan sa Oktubre sa niaging tuig hangtud sa buwan sa Enero niining tuiga. Matud ni Gumia nga kadtong mga empleyado nga wala makadawat og satisfactory rating gikan sa department heads dili makadawat sa bonus. Ang satisfactory rating gikinahanglan diin palisiya kini sa kasamtangang administrasyon.

Sa mga empleyado nga adunay ubos nga rating ang ilang bonus ideterminar pa. (/BDB)(BANAT NEWS)

 

BONUS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with