Mga kandidato pasumitehon og SOCE
Romeo T. Limpangog (Banat) - May 16, 2019 - 12:00am

CEBU, Philippines – Giawhag ang tanan nga mga kandidato sa miaging midterm election sa pag-file sa ilang Statement of Contribution and Expenditures (SOCE) hangtod lamang sa Hunyo 12 niining tuiga sanglit ang mapakyas sa pagtuman  adunay tugbang nga ipahamtang nga silot niini.

Sa gilatid nga mga lagda nga gipatuman sa Comelec sa miaging piniliay mao ang pagsumiter sa mga kandidato sa dili pa ang deadline  o sa adlaw sa katapusang pagdawat sa Hunyo 12 nga mao usab ang adlaw sa pagkatapos sa election period ug  ang paglibkas sa Comelec gun ban.

Si Jean Ortega nga Mandaue City Comelec staff nga nahinabi sa Banat News miingon nga ang tanan nga kandidato  kadtong midaug o napilde sa miaging Mayo 13 nga election gikinahanglan gayod nga mo-file sa ilang SOCE tungod kay aduna kini tugbang silot  ang mapakyas sa pagtuman niini. Naglakip sa mga ipahamtang nga silot sa mapakyas sa pag-file sa ilang  SOCE mao ang pag-disqualify sa  pag-asumer sa katungdanan, dili tugotan nga mokandidato sa umaabot pa nga eleksiyon ug ingon man ang pag-disqualify sa paghupot og katungdanan sa buhatan sa kagamhanan.

“A candidate is any person seeking an elective public office who has filed a certificate of candidacy (COC). Win or lose, all candidates must file their Soce,” matud ni Ortega.

Sa gilatid nga lagda sa Comelec ubos sa “Section 14 of R.A. 7166  nag-ingon gikinahanglan gayod sa tanang kandidato midaug man o napilde  nga mo-file sa ilang Soce, kay ang kapakyasan sa pagtuman niini alang sa mga midaug sa eleksiyon higpit na kini nga pagadid-an sa pagsulod sa iyang buhatan hangtod nga ma-comply o nakalapas na sa ikaduhang higayon maoy maangkon niini ang  perpetual disqualification.— /LPM (BANAT NEWS)

SOCE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with