Bisan pa og nidaog sa pagka-mayor ug bise mayor sila si Vice Mayor Edgardo Labella ug Michael Rama sa miaging piniliay, ang Bando Osmeña Pundok Kauswagan (BOPK) usab ang nakakuha sa mayoriya sa konseho.
File
BOPK gihapon ang mayoriya sa Konseho
Odessa Leyson (Banat) - May 15, 2019 - 12:00am

CEBU, Philippines – Bisan pa og nidaog sa pagka-mayor ug bise mayor sila si Vice Mayor Edgardo Labella ug Michael Rama sa miaging piniliay, ang Bando Osmeña Pundok Kauswagan (BOPK)  usab ang nakakuha sa mayoriya sa konseho. Ang konseho 11-7 pabor sa BOPK. Sa North District, unom ka mga kandidato pagkakonsehal  sa kampo sa BOPK ang nakadaog nga mao sila si Nestor Archival, Lea Japson, Joy Augustus Young, Sisinio Andales, Alvin Arcilla ug Alvin Dizon.

Samtang sa south district, tulo nila ka mga konsehal nga silang David Tumulak, Eugenio Gabuya Jr., ug Raul Alcoseba ang nakalusot.

Ang mga bag-ong napiling konsehal molingkod sa Konseho kauban ang duha ka ex-officio members sa konseho nga sila si Association of Barangay Councils Cebu City Chapter president Franklyn Ong ug Sangguniang Kabataan Federation president Jessica Resch. Samtang ang Partido-Barug PDP Laban nilang Labella ug Rama gilangkoban nilang Konsehal Donaldo “Dondon” Hontiveros, Antonio Cuenco, Phillip Zafra, Prisca Niña Mabatid along with reelected councilors, Renato Osmeña Jr., Raymond Alvin Garcia ug Eduardo Rama Jr.

Si Andales kinsa usa sa mga reelected councilor ug sakop sa BOPK miingon nga kay sila man gihapoy mayoriya sila gihapon maoy modala sa mga nagkadaiyang komitiba sa konseho.

Apan bukas gihapon sila nga himuong miyembro sa ilang mga komitiba ang mga konsehal gikan sa Partido-Barug PDP Laban. Human sa proklamasyon kagahapon, ang BOPK nagdiskusyon dayon kun kinsa ang mamahimong mga chairman sa maong mga komitiba.

“Ang ato ana is ang majority party is BOPK as far as City Council is concerned, so we will be controlling the chairmanship and membership of the different committees...Will give them some memberships, not chairmanships,” si Andales mibutyag sa mga tigbalita.

Ang BOPK naghupot pagkakaron og napulo ka bangko samtang walo sab gikan sa Partido-Barug PDP Laban. Ang BOPK sab maoy naghupot sa tanang komitiba isip mga chairman niini. Apan miangkon si Andales nga dili sila makasalig nga ang uban nilang kauban sa partido karon mobali ngadto sa pikas tungod kay normal kini sa politika.

Si Vice Mayor elect Michael Rama miingon nga walay problema kaniya kun kinsa ang modominar sa Konseho kay iyang suportahan ang bisan unsang ordinansa nga makaayo sa interes sa publiko.

“We only want to tell the council, forget about politics. What is so important now is the desire of the majority, greater good for the greater number. Let the City of Cebu constituency be served first before us serving ourselves,” matud niya.

Si Archival gusto nga kuptan ang environmental matters ilabi na sa pagkolekta ug paglabay sa basura ug pagdaginot sa tubig.

Samtang si Hontiveros kinsa maoy nahimong first councilor sa South District misaad nga unahon niya ang serbisyo publiko ug ikaduha nalang ang pagduwa og basketball.

Gusto niyang mobalik sa barangay aron pagtan-aw unsa gyud ang nagunang gikinahanglan nga sulbaron.

“I’ll be coordinating with mga SK officials, kung unsa pa ang kailangan iimprove. Dili ka kaingon nga gamay sila og responsibilities kay SK ra. They are our next leaders and I’m sure they are capable of helping us kung unsa gyud ang mahimo namo,” matud ni Hontiveros.(/IBM)(BANAT NEWS)

 

BOPK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with