Dakbayan sa Sugbo ang onse ka police stations milusad dayon og patrolya sa kabarangay pagsugod alas-12 sa kaadlawon niadong Sabado hinungdan sa pagkasikop sa maong mga tawo.
FIle
52 nadakpan tungod sa liquor ban
Camille Pateres (Banat) - May 13, 2019 - 12:00am

CEBU, Philippines — Bisan pa man sa sayong pagpahibalo bahin sa liquor ban tungod sa piniliay karong adlawa, 52 ka tawo gihapon ang nangadakpan sa Probinsya ug Dakbayan sa Sugbo.

Sa Dakbayan sa Sugbo, 49 ang nangadakpan samtang ang tulo sa lungsod sa Asturias.

Dakbayan sa Sugbo ang onse ka police stations milusad dayon og patrolya sa kabarangay pagsugod alas-12 sa kaadlawon niadong Sabado hinungdan sa pagkasikop sa maong mga tawo.

Samtang sa Barangay Langub, Asturias, naginom gihapon pag-alas dos sa hapon kagahapon ang tulo ka mga managhigala taliwa sa gipatumang liquor ban.

Ang tulo giilang sila si: Noel Tuburan Jumag 45 anyos, residente sa dapit; Rani Bornia Jagudilla 37, residente sa dapit; ug si Danilo Ligaray Estreba 46 anyos, residente sa barangay Bag-o sa maong lungsod.

Sigun pa ni Police Master Sergeant Dandreb Lambo, sa Asturias Police station nga naginom ang tulo daplin gyud mismo sa national highway.

Samtang sa Dakbayan sa Mandaue, sigun sa direktor sa kapolisan didto nga si Police Colonel Julian Entoma nga sa wala pa nagsugod ang liquor ban nagpahigayon sila og Oplan Bandilyo kabahin niini aron pagpahibalo sa publiko.

Ang direktor sa Police Regional Office-7 nga si Brigadier General Debold Sinas nagkanayon nga aduna hinuoy mga tourist destinations sa Central Visayas nga exempted sa maong ban ilabi na kadtong dunay mga langyaw nga turista.( Rowena Capistrano/IBM)(BANATNEWS)

LIQUOR BAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with