Underpass magamit na karong Hunyo
Decemay P. Padilla (Banat) - April 29, 2019 - 12:00am

CEBU, Philippines — Ang tanang buses ug mini buses maoy makagamit sa P638 million underpass kon mahimo na kining operational sa buwan sa Hunyo niining tuiga.

Si Cebu City Transportation Office Operations Chief Francisco Ouano miingon nga ang underpass lane gitagana alang nila aron makatabang pagpaluag sa traffic sa nag-unang kadalanan.  “Yes, anha (underpass) gyud sila kay ang Cebu South Coastal Road is temporary rana. Most likely, tanang buses and sakyanan nganha gyud para mabahin ang traffic”, matud ni Ouano.

Sukad niadtong Agosto 2017 ang mga buses, mini buses ug delivery trucks gipaagi sa Cebu South Coastal Road gumikan sa nagpadayon nga konstraksiyon sa underpass project sa may Natalio Bacalso Ave.

Sigon ni Ouano, kinahanglan nila i-finalize ang posibleng bag-ong traffic scheme sa South District lakip na ang access lane alang sa public utility jeepneys (PUJs).

Apan kini miingon nga mga light vehicles lang ang maka-access sa northbound ug southbound side roads.

“I-discuss pana namo kay moreklamo man gud ang uban diha kay maka-cause og traffic ang PUJs if pataka sila og hunong sa babaw. Might as well, i-meeting namo sila, if dili sila maminaw, paagion namo sila sa ubos”, dugang ni Ouano. Asoy niini, ang PUJs ug private vehicles makaagi gihapon sa  mga gagmayng access road sama sa Tagunol St. ug Macopa St. Kon ang underpass project mobukas na, dili makagarantiya si Ouano nga ang traffic situation mahimong normal. “Dili sad gyud ma-normalize kay kita man ta nga in a day, during peak hours volume kaayo ang sakyanan pero ma-lesser nuon ang traffic kay accessible naman ang underpass, mabahin ang sakyanan”, ni Ouano pa. Karong semanaha, ang CCTO makig-meeting sa Department of Public Works and Highways (DWPH)-7, shopping center owners sa south district ug ubang concerned offices aron sa pag-finalize sa traffic scheme.

Sayo niini, ang DPWH-7 miingon nga buksan ang underpass sa ikaduhang semana sa buwan sa Hunyo human sa kapin usa ka tuig nga paghimo niini.

Samtang si Ouano miingon nga ang DPWH-7 obligado nga mobutang og balik sa tulo ka traffic lights nga gitangtang tungod sa construction. (/DILT)(BANATNEWS)

 

UNDERPASS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with