CEBU, Philippines — Si Philippine National Police Chief Oscar Albayalde mipahimangno sa kapolisan sa Police Regional Office-7 nga magpabiling ‘neutral’ panahon sa pinilay karong Mayo.
Atol sa mga speech sa heneral sa iyang pagbisita sa Camp Francisco Dagohoy didto sa Bohol ug sa Camp Sergio Osmeña diri sa Sugbo, gipahinumduman niini ang iyang mga polis nga isip law enforcers, gidili kanila ang mosawsaw sa politika.
“Do not be partisan, stay neutral and at all times, do not be bias, arrest who needs arresting,” matud niya.
Sigun sa heneral nga lakip sa tumong niya sa iyang pagbisita sa kabisay-an mao ang pagpahinumdom sa kapolisan sa ilang papel karong eleksyon nga mao ang pagpatuman sa kahapsay ug kalinaw sa piniliay.
Atol sa open-door security briefing sa kapolisan didto sa Police Regional Office-7 niadtong Huwebes, gituki nila ang pagplano sa seguridad sa eleksyon ilabi na ngadto sa mga lugar nga anaa sa Election Watch list Areas. Sa pinakauwahing datos sa EWAS, 54 ka lungsod sa tibuok Central Visayas ang gipaubos sa election hotspots.
Gimandoan ni Albayalde si Police Brigadier General Debold Sinas nga dili magsalig sa mga force multipliers ug kinahanglang tanang mga polis magdala gyud og gamit pang-komunikasyon.
“Alam ninyo ang dos and don’ts dito kasi kayo ang nag-attend, kaya I advise you to go around and talk to your men, tell them what to do and what must not be done, palagi na tayo sa elections, at least this time, we make an effort na it will be more peaceful,” sigun sa maong hepe. (/IBM)(BANATNEWS)