^

Banat Balita

Mga drayber nganagpositibo sa drugas embargoha’g lisensya

Camille Pateres - Banat
Mga drayber nganagpositibo sa drugas embargohaâg lisensya
Ang tigpamaba sa maong ahensya nga si Leia Albiar-Alcantara mibutyag nga ang usa ka drayber sa V-hire ug lima ka drayber sa jeep nakitaan og methamphetamine hydrochloride o mas nailang shabu sa Pilipinas gikan sa ilang mga ihi atol sa drug test.
File

CEBU, Philippines — Kompirmadong tiggamitan og shabu ug marijuana ang unom ka mga drayber sa jeep ug usa ka drayber sa van-for-hire nga nagpositibo sa  gipahigayong kinalit nga drug test sa Philippine Drug Enforcement Agency-7 diha sa Kamagayan Terminal, North Bus ug Ayala PUV terminal niadtong Biyernes.

Ang tigpamaba sa maong ahensya nga si Leia Albiar-Alcantara mibutyag nga ang usa ka drayber sa V-hire ug lima ka drayber sa jeep nakitaan og methamphetamine hydrochloride o mas nailang shabu sa Pilipinas gikan sa ilang mga ihi atol sa  drug test.

Samtang ang usa ka drayber nakitaan og tetrahydrocannabinol nga nagpasabot tiggamitan kini og marijuana.

Niadtong Biyernes, Marso 29, nagpahigayon og kinalit nga drug test ang PDEA-7 inabagan sa Land Transportation Office-7 sa  V-hire Terminal sa Kamagayan, North Bus ug Ayala Public Utility Vehicle Terminal.

Sa 174 ka mga drayber sa maong tulo ka mga terminal, pito ang nagpositibo sa drug test. Gipaubos dayon sa confirmatory test ang ilang mga ihi aron masuta kun unsa nga klase sa drugas ang anaa sa ilang mga lawas.

Ang direktor sa LTO-7 nga si Victor Caindec nagkanayon nga wala pa hinuon nila madawat ang maong confirmatory report apan ilang pangbakwion ang mga lisensya sa maong mga drayber.

“I have yet to receive the formal report from PDEA7. Will check tomorrow, but if the confirmatory tests are positive we will move for the cancellation of their licenses,” sigun ni Caindec.

Dugang pa ni Caindec , pasakaan sab nila og kaso ang maong mga drayber og paglapas sa Republic Act 10586 o ang Anti-Drunk and Drugged Driving Act of 2013.

Matud pa niya responsibilidad na sa PDEA ang pagdakop sa maong pito ka mga drayber sanglit deputized agent usab sila sa LTO.

“Sila na ang mag-confiscate kay deputized na man namo ang PDEA. Sila na sad ang mopapriso sa mga drayber nga mag-positive kay mao man nay giingon sa Republic Act 10586,” sigun ni Caindec.

Apan daw wala magkaparehas pagsabot ang duha ka ahensya, kay matud pang Alcantara nga igo ra sila nakig-coordinate sa LTO-7 sa paghimo sa maong drug test ug giklaro usab niya nga dili pa sila deputized agents sa maong ahensya.

Base sa RA 10586, deputized sa LTO ang traffic enforcement officers sa kapolisan, mga syudad ug munisipyo ug wala gibutang didto nga lakip ang ahensya sa PDEA.

Ang maong drug test lakip sa gihingusgan karon sa PDEA nga Oplan Harabas ‘Drug Test Muna Bago Pasada’ human nasuta nga kadaghanang hinungdan sa aksidente mao ang pagkalambigit sa mga drayber nga nakagamit og ilegal nga drugas.

Sigun ni Albiar nga aduna na usab silay giplanohang pakalitan og drug test subay sa maong programa apan wala usa nila kini gibutyag sa media. (/IBM)(BANATNEWS)

DRUGAS

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with