CEBU, Philippines – Gipahimangnuan sa mga sakop sa kapolisan sa Sugbo ang mga militanteng grupo nga dili mulapas sa balaod ug ibutang sa lugar ilang himuong protesta atol sa ika-50 nga kasumaran sa anibersariyo sa New People's Army.
Si Police Senior Superintendent Royina Garma, direktor sa Cebu City Police Office, mipasidaan sa militante nga andam sila mupasaka og kaso kung mausban na pud ang pagpangguba nila og government property.
Mahinumduman nga niadtong Pebrero 25, ang militante nga nagprotesta sa tungod sa Police Regional Office-7 headquarters ang nakaguba sa boom barrier, o ang ali sa ilang gate dihang nagkatensyon sa pulis og sa raliyista.
Ang maong tensyon nagsugod dihang mikalit og patukar ang PRO-7 samtang nagtabi ang mga militante.
Tuod man gisuwayan og hangyo sa militante apan, nangisog ang uban myembro ani ug midukduk sa gate nga miresulta sa pagkaguba sa ali sa gate.
“Sana maging lesson sa kanila yun – its okay to air grievances, but when you start destroying private property.
It’s a violation of the law. And most specially wala pa silang permit,” matud pa ni Garma.
Karong Marso 29 isilibrar ang adlaw nga nagsugod ang rebolusyon sa New People’s Army nga gitukod ni Jose Maria Sison. —/LPM (BANAT NEWS)