59-anyos nadasmagan patay
CEBU, Philippines – Patay ang usa ka 59-anyos nga lalaki human kini nadasmagi sa usa ka pasaheroang sakyanan diha sa M.C Briones Street, atubangan sa Jagobiao Barangay Hall, Dakbayan sa Mandaue kagahapon sa buntag.
Ang biktima mao si Eufemio Pulvera, minyo, taga Sitio Immaculada sa maong barangay.
Samtang ang drayber nga nakadasmag mao si Franklin Lawas, 19-anyos, ulitawo, taga Panangban, Lungsod sa Compostela.
Base sa imbestigasyon sa Traffic Group si Lawas nagbiyahe kini paingon unta sa Dakbayan sa Sugbo dihang nadasmagan niini ang biktima nga nilabang diha sa dalan.
Sa ka kusog sa impact maayong pagkabunal ni Pulvera diha sa karsada ug dali kining gidala diha sa Eversley Hospital apan gideklarar kini sa mga doktor nga patay na nga naabot sa maong tambalanan.
Si Lawas mag-atubang og kasong “reckless imprudence resulting in homicide with damage to property”. (/BDB)(BANAT NEWS)
- Latest