ABC mohatag og legal assistance
CEBU, Philippines — Nagkanayon si Association of Barangay Councils (ABC) President ug Kasambagan Barangay Captain Franklyn Ong nga ang ABC mohatag og legal assistance sa mga kapitan sa duha ka barangay sa siyudad nga gidakop sa kapolisan.
Sila si Lusaran Barangay Captain Agustin Partulan ug Calamba Barangay Kapitan Victor Borres Quijano Jr. ingon man ang chief tanod niini nga si Anthony Gingoyon ug Barangay Kagawad Ramsey Mercado, gisikop pinasikad sa search warrant gumikan sa paghupot og loose firearms.
“Kana siguro dapit murag dili lang ko mo-comment ana because it is still under investigation sa mga police. Let the police do their work unsay kuan diha basta kami sa ABC we are providing legal assistance, unsay legal assistance nga mahatag namo mao na atong i-concentrate”, matud ni Ong.
Kahinumduman nga dihang midaog si Ong isip ABC President usa sa gihimo niini mao ang pagtabang sa mga kapitan sa ilang License to Own and Possess Firearms (LTOPF).
“I think some of the kapitan already got the LTOP but not all of them have guns. Kung naa man gani gihapon sila’y kanang mga unlicensed or nalimot sila nga wala nila malisensiya or lisensiya nga wala sila’y LTOP they have to process it because we started that, nagsugod baya tag tabang nila that time”, dugang ni Ong. (BANATNEWS)
- Latest