Mga kandidato nga apil sa narco list dili hatagan og security
Camille L. Pateres (Banat) - February 19, 2019 - 12:00am

CEBU, Philippines — Mga kandidato nga nalakip sa narco list ni Presidente Rodrigo Duterte dili hatagan og police security bisan pa man og mosang-at sila og request ngadto sa Commission on Elections.

Apan sa mga wala naapil sa narco list mahatagan sila og dugang police security diin magdepende kini sa threat assessment nga himuon sa intelligence community sa polis.

Giklaro ni Sinas nga duha lang ka uniformed personnel sa Philippine National Police o Armed Forces of the Philippines ang ihatag nga security ug ang sobra pwede nila kining dakpon ug ipaubos sa imbestigasyon.

Sa laing bahin, giawhag ni Sinas si San Fernando Mayor Lakambini Reluya nga mo-apply og exemption sa COMELEC aron mahatagan siya og dugang police security sanglit hangtud karon aduna gihapo’y hulga sa iyang kinabuhi.

Matud ni Sinas nga kong moagi na sa COMELEC ang maong request aprobahan dayon nila kini.

Gibutyag ni Sinas nga sa pagkakaron wala pa sila’y gihatag nga police security alang kang Reluya sanglit anaa pa kini sa ilang panimalay ug wala pa makabalik sa iyang opisina sa munisipyo.

Sa laing bahin usab, duha ka political party sa Dakbayan sa Sugbo ang nagpirmahanay og peace covenant kagahapon diha sa Camp Sotero Cabahug.

Gipangulohan ni Cebu City Councilor Mary Ann Delos Santos ang mga kandidato nga managan karong midterm election ubos sa Bando Osmeña Pundok Kauswagan (BOPK).

“In behalf of Mayor Tommy Osmeña, and the BOPK we are committed to support a clean, peaceful, orderly and honest election. Wala si mayor kay naa si GMA (Gloria Macapagal Arroyo), matud ni Delos Santos.

Samtang si Cebu City Vice Mayor Edgardo Labella maoy nangulo sa mga kandidato ubos sa Partido Barug. (/BDB)(BANATNEWS)

 

SECURITY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with