Ang mga giawhag sa pagtambong sa tibuok adlaw nga seminar mao kadtong mga drayber sa PUJ, multicab nga pasaheroan ug ingon man ang mga traysikol drayber.
File
Mga drayber sa Lapu-Lapu: Ipaubos sa seminar sa LTFRB
Romeo T. Limpangog (Banat) - January 24, 2019 - 12:00am

CEBU, Philippines – Ang buhatan sa land Transportation Franchising and Regulatory Board (LTFRB) 7 gitakda nga mopahigayon og seminar sa mga drayber labot sa pagpahinumdom kanila alang sa mga traffic  rules, road safety karong Enero 29 diha sa Hoops Dome sa Barangay  Gun-ob, Dakbayan sa Lapu-Lapu. 

Ang mga giawhag  sa pagtambong sa tibuok adlaw nga seminar mao kadtong mga drayber  sa PUJ, multicab nga pasaheroan ug ingon man ang mga traysikol drayber.

Gitataw sa kadagkoan sa LTFRB nga giawhag nila ang tanang drayber sa pagtambong tungod  kay kabahin kini sa nationwide implementation sa kagamhanan nga magpasiugda og training program ang LTFRB.

Sa nasayran nga nakita sa LTFRB ang kamahinungdanon sa pagpaubos sa maong seminar ang mga drayber lukop nasud tungod sa ilang nakita nga kakuwang sa ilang  theoretical knowledge of traffic rules and professional training nga sagad maoy nag-unang hinungdan sa mga nahitabong aksidente.

Naglakip sa mga nag-una nga pagahisgotan sa maong seminar nga mabati sa mga drayber mao ang paghisgot labot sa mga  LTFRB policies,  road safety, road rage ug ingon man ang  anger management, traffic signs ug  ingon man   ang kahimtang sa mga dalan.

Nunot  niini ang buhatan  sa LTFRB 7  nagdasig karon sa tanang drayber sa Lapu-Lapu sa mga pasaheroan nga sakyanan nga naglakip sa mga PUJ,  traysikol ug uban pa nga magsugod sa alas 8 sa buntag ug matapos hangtod  alas 5 ang  takna sa hapon.

Si  Malvin Arias  nga maoy chairman sa  United Drivers Operators Transport Cooperative  miingon nga walay balayranan ang mga  drayber tungod kay libre kini alang sa gibanabana  nga 1,000 ngadto sa 2,000 ka mga drayber nga moapil.

Nunot  niini ang kagamhanan sa dakbayan sa Lapu-Lapu  ang  gikatakda usab nga mopadagan sa ilang lima ka mga  buses  sa pagtabang sa mga pasahero nga hipanglantawan nga magnihit unya ang mga drayber nga mamasahero sa maong adlaw nga pagahimoon ang seminar. (/LPM)(BANAT NEWS)

LTFRB
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with