Palma nihangop sa mga magtutuo
Rowena D. Capistrano (Banat) - January 20, 2019 - 12:00am

CEBU, Philippines —  Si Archbishop Jose Palma sa Archdiocese of Cebu mapasalamaton sa laing tuig na usab nga pagsaulog sa kapistahan ni Senior Santo Niño diin daghan sa mga magtutuo ang niduyog ug niapil sa mga kalihukan sa Walk with Jesus, Walk with Mary, traslacion, fluvial ug solemn foot procession kagahapon.

 

Atol sa pagkuyog ni Palma sa fluvial nagkanayon kini nga ang procession sa kadagatan usa ka importante nga bahin sa pahinumdum sa grasya sa Dios ug paghinumdum sa pagdala sa Santo Niño sakay sa bapor gikan sa Espanya.

Matud ni Palma nga niining pagsaulog sa kapistahan sa balaan nga bata malaumon siya nga motubo ang pagtuo sa katawhan ug mohangop sa kaayo nga gihatag sa Ginoo pinaagi sa pagdayeg ug pagpasalamat ug lakip sa pagbuhat og maayo diin ang pagtuo magbunga ug gugma, ang gugma magbunga og maayo nga buhat ilabi na sa mga nanginahanglan.

Mapasalamaton usab si Palma nga daghang Sugbuanon ang motabang sa mga kalihukan sa simbahan tungod sa ilang gugma sa Ginoo ug daghang pamilya usab nga mahigugmaon sa pagtabang ilabi na sa mga panginahanglanon sa parukya.

Si Palma nipasalamat sa pamilyang Roble diin usa sa ilang mga barko maoy gihimong galleon nga gisakyan sa imahen sa Birhen sa Guadalupe ug Santo Niño karong tuiga.

Dugang ni Palma nga bisan sa sunod nga tuig nga Fiesta Senior posibleng lain na usab ang sakyan sa mga imahen atol sa fluvial procession ug iyaha na kining gipasalamatan daan.  BDB, (BANATNEWS)

 

JOSE PALMA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with