Dangpanan sa mga deboto
Odessa O. Leyson (Banat) - January 20, 2019 - 12:00am

CEBU, Philippines —  Ang pamilyang Pusa miari sa Dakbayan sa Sugbo dili lamang alang sa ilang debosyon ni Señor Santo Niño apan usab magnegosyo pinaagi sa pagpamaligya og mga kalo.

 

Si Berna Pusa, 41-anyos, taga Dakbayan sa Bogo uban sa iyang mga anak miabot sa siyudad alang sa libreng kapuy-an nga gitanyag sa kagamhanan sa siyudad ug lalawigan sa Sugbo nga gibuksan niadtong Biyernes.

“Dugay na gyud mag arian man, dad-on nako akong miyembro sa pamilya para makatabang sad og baligya," asoy pa ni Berna. Namaligya silang Berna og mga kalo nga hinimo gikan sa buli nga kahoy nga giisip nga usa ka lumad nga kahoy dinhi sa Pilipinas.

Atol sa Sinulog, ang mga deboto magsul-ob niini isip panalipod sa kainit sa adlaw.

Ang pamilyang Pusa magdisplay sa mga kalo sa gawas sa Basilica Minore del Santo Niño gikan sa otso ngadto sa dies sa buntag ug gikan sa ala una ngadto sa alas singko sa hapon.

Gibutyag niini nga matag Sinulog sila mahalinan og P10 mil ngadto sa P12 mil diin makapalit na sila og bugas ug ubang panginahanglan sa ilang pang adlaw-adlaw nga pagpuyo.

“Bahala nag manangkay mi basta makadala mi og bugas ug uban pa inig uli,” siya miingon.

Dugang niini nga mapasalamaton siya sa Balaan nga Bata sa tanang grasya nga iyang nadawat aron mabuhi ang iyang mga anak. Gani usa sa iyang mga anak nga mitabang kaniya og paninda, nagtungha na karon sa kolehiyo.

“Magkuyog-kuyog to nako. Karon lang wala siya kay klase man siya. Ana siya nga gusto unta ko ma, pero klase man ko. Okay ra sad ko kay para man sad na sa iyahang kaugmaon,” matud ni Pusa.

Ang pamilya ni Pusa usa sa mga nakapahimulos sa libreng kapuy-an pinaagi sa sa Devotee City. Sila nag-okupar sa usa ka 58 ka container vans. Sila mobiya sa siyudad sa karong hapon.

Gawas sa pagpamaligya og kandila, nanghinaot sab si Catalina Rubin nga taga Toledo City nga mahatagan siya og lig-on nga panglawas ug grasya sa iyang pagpuyo niining kalibutana. Dul-an sa napulo na katuig nga nagbaligya siya og kandila matag Sinulog.  “Akong hangyo sa Sto. Niño nga mahatagan ko og saktong lawas aron makapadayon ko og pagpangalagad kaniya,” siya miingon.

Sa pagkuha niining istorya, ang siyudad nakatala og 2, 024 ka mga deboto  nga anaa karon sa Devotee City diin kasagaran kanila gikan sa Bogo, Toledo, Pinamungajan ug uban pang kasikbit nga mga lugar sa siyudad.  DILT, (BANATNEWS)

SEñOR SANTO NIñO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with