Talisay musaulog sa ika-18 nga Charter Day

CEBU, Philippines — Gihulagway nga “debut” ang pagsaulog sa syudad sa Talisay sa ilang Charter Day karong tuiga.

Kini maoy gibutyag ni Mayor Eduardo Gullas.Si Mayor Gullas miingon nga ang Talisay nahimong syudad ubos sa iyang paningkamot nga walay kalisdanan dili sama sa ubang Syudad sa unang distrito.

“Its no longer minor but overage na ang Talisay from municipality,” nagkanayon si Gullas.

Si Edgar Mabunay, budget officer sa Dakbayan niingon nga gisugdan nila ang ilang kalihukan niadtong Martes sa gabie diin mutapos sa adlaw nga Sabado nga mao ang kasumaran sa kasaulogan.

Gibutyag ni Gullas nga giimbitar nila ang mga tigpapatigayon nga nakatabang sa dakbayan nga mulungtad ug dugay, mga kapitan ug ubang mga tawo nga nakatabang mao ang ilang gibuhat karon sa ilang kalihukan.

Giasoy ni Mabunay nga susama sa tawo nga mag edad og 18 mao ang ilang gihimo karon nga diha sa atubangan sa Talisay City Hall nila ipahigayon. Gidugang ni Gullas nga nanghinaot siya nga magpadayon ang kalambuan sa syudad bisan pa man si kinsa ang magdumala niini. (BANAT NEWS)