Sindikato nga mobiktima og atm users gisikop
Romeo T. Limpangog (Banat) - December 12, 2018 - 12:00am

CEBU, Philippines — Usa ka babaye, kinsa gikatahapan nga usa ka sakop sa sindikato nga mobiktima sa mga mugamit og automated teller machine (ATM) ang gisikop kagahapon sa mga kapolisan sa Mandaue City Police Office.

Ang suspetsado giilang si Lunaly De Pedro, 35-anyos ang panuigon ug lumad nga taga La Paz, Iloilo City.

Si Mandaue City Police Director Senior  Superintendent Julian Entoma nagkanayon nga si De Pedro gidakop human usa ka kawani sa bangko diha sa Barangay Banilad sa susamang syudad ang mireklamo human makit-i si De Pedro nga namutang og glue sa mga keypad buttons ug magnetic stripe reader sa usa ka ATM machine.

Base sa ilang pasiunang imbestigasyon, ilang nasayran nga ang maong babaye niadto pang Disyembre 9  nga miabot sa Sugbo gikan sa Iloilo ug ilang gidudahan nga sakop kini sa 'Glue Gang Syndicate'.

Si  Entoma miingon nga giangkon sa maong babaye nga skimmer kini sa bangko apan mihimakak nga sakop kini sa usa ka sindikato.

Gitug-an sa maong babaye nakat-on kini sa pag–skim sa ATM niadtong  pang tuig 2009 ug  wala kini kauban sanglit nag-inusara lamang kini sa maong modus operandi sa bangko ug niadtong higayona  padulong na unta kini sa pag-withdraw og kuwarta sa kantidad nga P30,000.

Gitataw ni Entoma nga  gikataho ang maong matang sa sindikato  sa mga dapit nga naglakip  sa Region 6 diin  ang nahimo niining biktima nga naglakip sa Iloilo ug Bacolod nga maoy nahimong hinungdan nga girelibohan ang pipila ka mga opisyal sa  kapolisan tungod sa kapakyas sa pagsikop sa mga tigpasiugda.

Dugang ni Entoma nga ang mga skimmer anha kini dapit magpaduol sa ATM machine ug moduol sa pagtanyag og tabang niadtong nag-withdraw og kuwarta nga dili maantigo nga mogamit sa ATM card apan gibutangan og glue ang mga tudlo niini.

Nunot sa pagkasikop sa maong babaye giawhag kadtong mga nahimong biktima sa pagbisita sa ilang  buhatan sa  Investigation and Detective Management Branch of the MCPO Headquarters nga nahimutang sa Sitio Tribunal sa Barangay Centro sa maong dakbayan.- LPM, (BANAT NEWS)

ATM
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with