DA nabalaka nga walay mopuli sa pagpanguma
CEBU, Philippines — Ang Department of Agriculture (DA)-7 nahingawa na karon sa kahimtang sa mga mag-uuma tungod kay nagkatiguwang na ang edad sa mga naglihok diha sa kaumahan.
Kini ang gitug-an ni Melquiades Ibarra, tigpamaba sa DA-7 nga nahinabi sa Banat News.
Matud pa ni Ibarra nga nahingawa sila karon tungod kay nagkatiguwang na ang mga mag-uuma diin anaa na kini sa 57-anyos ang bracket ug gamay nalang ang nisunod sa pagpananom.
Si Ibarra nagkanayon nga sila sa DA nangita na karon og mga pamaagi aron mahatagan og tubag ang nagkatiguwang nga pangidaron sa mga mag-uuma.
Ug lakip sa ilang mga strategy karon mao ang paghatag og scholarship sa mga kabatan-onan nga mokuha og agrikultura, paghatag og seminar sa mga kabatan-onan ug lakip ang family approach aron ang mga kabataan nga anak og mag-uuma mosunod sa ilang mga ginikanan.
Malaumon si Ibarra nga daghan unyang mga kabatan-onan ang adunay dakong kasing-kasing sa pagpanguma. (/BDB)(BANATNEWS)
- Latest
