CEBU, Philippines — Malaumon si Cebu Archbishop Jose Palma nga walay dagkung kadaut nga ibilin ang bagyong Samuel.
Matud sa Arsobispo nga maayo unta dili sobra kakusog ang maong bagyo ug kung mahitabo man nga kusog, kinahanglang tabangan ang mga tawo nga maapektuhan.
Iyang giawhag ang tanang kaparian sa paggamit sa tanan nilang mga available resources.
Sumala pa ni Palma nga mahimong mapagamit sa kaparian ang ilang mga gymnasium ug evacuation center alang sa katawhan.
Andam usab ang Archdiocese mohatag og ayuda sama sa mga nag-unang panginahanglanon sa pagkaon, tubig ug kapuy-an.
Awhag sa Arsobispo nga mag-ampo nga ilikay ang tanan sa katalagman. - GMR/(BANAT NEWS)