CEBU, Philippines – Padayon hangtud karon ang deliberasyon sa konseho sa Dakbayan sa Talisay sa P1 bilyon nga budget sa siyudad alang sa sunod tuig. Si Bise Mayor Alan Bucao nagkanayon nga ang inprastraktura gihapon ang gitagaan og prayoridad ni Mayor Eduardo Gullas sa sunod tuig.
Lakip niini ang pagpalambo sa Talisay City College nga gilauman nga mahimong state university, mga karsada nga angay na nga sementohon.
Dunay nitumaw nga report nga ang maong budget alang sa sunod tuig posibleng gamiton kini sa pagpangampaniya.
Si Bucao nagkanayon nga ang kwarta sa panudlanan sa gobiyerno dili pweding magamit sa piniliay. Ang maong kwarta gigahin kini alang sa mga proyekto.
Ang konseho nagsugod sa ilang deliberasyon niadtong Lunes inubanan sa department heads aron mahan-ay ug maaprobahan nila ang budget alang sa tuig 2019 sa dili pa maabot ang pasko. (/BDB)(BANAT NEWS)