CEBU, Philippines – Nasikop ang upat ka tawo atol sa gipahigayong buy-bust operation sa may Sitio Bato, Barangay Ermita, Dakbayan sa Sugbo alas 10:51 sa gabii niadtong Huwebes.
Ang mga nasikop mao sila si Janette Castro, 37-anyos; Kennith Sidlakan, 24-anyos; Leonora Ferolino, 27-anyos, ug Jerome Gerunda, 31-anyos, pulos residente sa maong lugar.
Nangulo sa maong buy-bust operation batok kang Castro mao si Police Chief Inspector John Kareen Oliveros ug mga sakop sa Station Drug Enforcement Unit uban sa pagpakig-alayon sa Philippine Drug Enforcement Agency (PDEA).
Nasakmit ang mga pinutos sa ginadili nga drugas nga mobalor og P191 mil base sa Dangerous Drugs Board value, kagamitan sa pagsuyop, P300 nga gituohang halin, buy-bust money nga P500 ug sudlanan sa sinsilyo.
Ang mga dinakpan nagtingkagol na sa prisohan samtang nagpaabot nga pasakaan og tukma nga kaso. (/GMR)(BANAT NEWS)