Sinulog sa Barangay may kausaban
Decemay P. Padilla (Banat) - October 27, 2018 - 12:00am

CEBU, Philippines – Kapin duha pa ka buwan sa dili pa ang Sinulog 2019, ang kagamhanan sa Siyudad sa Sugbo nangandam na alang sa maong kalihukan.

Dunay mga kausaban nga ipatuman sa tinguha nga mas mahimong grandiyuso ang selebrasyon sa Sinulog.

Usa sa nausab ang Sinulog sa Barangay diin duha na ang category niini nga mao ang Sinulog Base ug Free Interpretation category.

Niadtong Huwebes si Konsehal Dave Tumulak, Sinulog Executive Committee chairperson, nakigtigum sa mga choreographers ug head of contingents alang sa Sinulog sa Barangay 2019.

Niabot sa 18 ka barangay ang nipadayag og kaandam nga moapil sa Sinulog sa Barangay sunod tuig.

Kini mao ang Bulacao, Mabolo, Guadalupe, Suba, Sawang Calero, Basak-San Nicolas, Apas, Talamban, Mambaling, San Nicolas Proper, Binaliw, T. Padilla, Capitol Site, Cogon Ramos, Bonbon, Cambinocot, Cogon Pardo ug Labangon.

Gumikan sa kadaghan maong nakadesisyon sila nga mohimo og duha ka category.

Tag-lima ka mananaug ang pilion sa Sinulog Base ug Free Interpretation category.

Ang first placer makadawat og P350 mil, P200 mil sa second, P150 mil sa third, P125 sa fourth ug P100 sa fifth placer.

Si Tumulak niingon nga dunay pundo ang Sinulog Foundation, Inc. alang niini.

Posible nga mapun-an pa ang mga barangay nga moapil sa Sinulog sa Barangay apan si Tumulak nihangyo nga igo na ang 18 ka contingents.

Samtang gipahibawo sa konsehal nga giusab na sab ang slogan ug nahimo na nga “One Beat, One Dance for the World” ug dili na kadtong naandan sukad niadtong 1982 nga “One Beat, One Dance, One Vision” sanglit duna may laing mga nasud nga apil sa kalihukan nga dunay Sinulog sab sa ilang lugar sama sa Singapore, South Korea, New Zealand ug uban pa.

Napanglantawan nga gumikan sa nagsingabot nga national ug local elections, hayan gamay ra ang mga out of town contingents sa Sinulog 2019. (/GMR)(BANAT NEWS)

BARANGAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with